Начало » 2009 » Декабрь » 26 » “Qış nağılı” adlı üç günlük yeni il şənliyinin proqramına “Eurovision-2009” mahnı müsabiqəsində ifa olunan bir neçə mahnı da daxil edilib
“Qış nağılı” adlı üç günlük yeni il şənliyinin proqramına “Eurovision-2009” mahnı müsabiqəsində ifa olunan bir neçə mahnı da daxil edilib
10:36
"Qış nağılı” adlı üç günlük yeni il şənliyinin proqramına "Eurovision-2009” mahnı müsabiqəsində ifa olunan bir neçə mahnı da daxil edilib
Heydər Əliyev Sarayının mətbuat katibi Anar Fərəczadənin APA-ya verdiyi məlumata görə, gələn ilin ilk günləri, yanvarın 2-si, 3-ü və 4-ü azyaşlı tamaşaçılar üçün çox maraqlı proqram nümayiş olunacaq. Onun sözlərinə görə, bu tədbirdə 300 nəfərdən çox uşaq iştirak edəcək: "Artıq bir neçə aydır ki, üç günlük xüsusi Yeni il şənliyi üçün məşqlərə başlamışıq. Hər üç gündə azyaşlı tamaşaçılarımıza maraqlı nömrələr təqdim etmək çalışırıq. Bu proqramda hər bir nömrə üçün ayrıca geyimlər tikilir və xüsusi səhnə dekorasiyası hazırlanır”. A. Fərəczadənin sözlərinə görə, iki gündür artıq satışa çıxarılan biletlərə böyük maraq var. Bu tədbirlərdə "Çiçəyim” Uşaq Teatrı, "Dəcəl qızlar”, "Azəri inciləri” və "Şənlik” rəqs kollektivləri, müğənnilər Ayaz Qasımov, Sabir Əhmədov, Ayan Babakişiyeva, Çingiz Mustafayev, Safura Əlizadə və başqaları çıxış edəcəklər. Yeni il şənlikləri deyildiyi tarixlərdə saat 13:00-da başlanılacaq. Biletlərin qiyməti 3-10 manat arasındadır.
