Konserti ilə ad günü eyni tarixə düşür |
Zamiqin 12 sentyabr axşamı Yaşıl Teatrda "Sən necə də gözəlsən" adlı ilk solo konserti keçiriləcək. Zamiq konsertdə istedadını geniş şəkildə nümayiş etdirəcək. Onun mətbuat katibi Ləman Tağıyevanın bildirdiyinə görə, Zamiq konsertdə xüsusi bir obrazda çıxış edəcək:
- Tamaşaçılar müğənninin ən yeni mahnılarını, bu günədək oxuduğu hitləri məhz bu konsertdə canlı eşidə biləcəklər. İstər retro, istər xalq və estrada üslubunda məharətlə ifa edən Zamiq konsertdə Azərbaycan musiqi mədəniyyətinin zirvədə olduğunu bir daha sübut edəcək. Eyni zamanda, repertuara yeni bəstəkar mahnıları da daxil edilib. Həmin mahnıların müəllifləri İsmayıl Əsədov, Emin Kərimi, Vüqar Camalzadə, Nazim və Elçindir. Zamiq konsert repertuarını canlı ansamblın müşayiəti ilə dinləyicilərinə çatdıracaq. Bundan əlavə, konsertdə bir sıra sürprizlərin olacağı gözlənir. Eyni zamanda, Zamiqi peşəkar rəqs qrupları müşayiət edəcək.
Söhbət əsnasında öyrəndik ki, konsert üçün göz oxşayan dekorasiya hazırlanır. Mətbuat katibinin bildirdiyinə görə, konsertdə duet mahnılar səsləndiriləcək. Siyahıda Sevda Yəhyayeva və Natəvan Həbibinin adları var. Digər müğənninin adı isə sirdir. Xatırladaq ki, 12 sentyabr Zamiqin ad günüdür.
|